Deprecated: preg_replace(): The /e modifier is deprecated, use preg_replace_callback instead in /home1/courtuvs/public_html/engine/modules/static.php on line 145 Увс аймгийн шүүх
Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/

УВС АЙМАГ ДАХЬ СУМ ДУНДЫН ЭРҮҮГИЙН ХЭРГИЙН АНХАН ШАТНЫ ШҮҮХ

 

Орон нутгийн засаг захиргааны байгууллагуудыг эмхэтгэн өөрчлөх үеэр Чандмань уулын аймгаас Увс аймаг тасарч Улаангомд төвлөрөн байгуулагдах үед буюу 1931 оны 11 дүгээр сард тус аймгийн шүүх гал голомтоо асааж, өрх тусгаарлан байгуулагдсан. Манай аймагт хэсгийн 2 шүүх Түргэн, Хяргас суманд төвлөрөн ажиллаж байсан бөгөөд даргаар нь Равдан мээрэн, Халтар мээрэн нар ажиллаж байжээ. Ингээд Ардын их хурлын тэргүүлэгчдийн 1961 оны 11 дүгээр сарын 03-ны өдрийн 262 дугаар зарлигаар хэсгийн шүүхүүд татан буугдаж нүүдлийн 6 шүүх байгуулагдав. Шүүхийн зохион байгуулалтыг боловсронгуй болгох, иргэдэд ойртуулах зорилгоор Ардын их хурлын 1972 оны 4 дүгээр сарын 08-ны өдрийн 96 дугаар тогтоолоор нүүдлийн шүүхүүдийг татан буулгаж "Ардын хэсгийн шүүх"-ийг бий болгож, сонгуулиар шүүхийг байгуулж байхаар шийдвэрлэсний дагуу 1975 оны 4 дүгээр сарын 07-ны өдрийн 80 дугаар зарлигаар хэсгийн Ардын шүүхийн сонгуулийн дүрмийг шинэчлэн баталж 1975 оны 6 дугаар сард шүүхийн сонгууль явуулжээ. Монгол Улсын Их хурал 1993 оны 2 дугаар сарын 04-ний өдөр "Монгол улсын Шүүхийн тухай" хуулийг баталснаар тус улсад шүүхийг жинхэнэ утгаар нь байгуулж болох чухал алхам болсон. Энэ хуульд зааснаар хэсгийн Ардын шүүхүүдийг татан буулгаж "Сум дундын шүүх" нэгийг тус аймагт байгуулж, шүүхийн сонгууль гэгчийг халж шүүгч нарыг Монгол Улсын Ерөнхийлөгчийн зарлигаар томилдог болсон. Сум дундын шүүх нь Шүүх байгуулах тухай хуулийн дагуу 2014 оны 12 дугаар сарын 18-ны өдрөөс эхлэн Сум дундын 24 дүгээр шүүх болон өөрчлөгдсөн. 2013 оны Шүүхийнтухай багц хуулийн бүрдэл хэсэг болох Шүүх байгуулах тухай хуулиар нийслэл болон зарим орон нутгийн анхан болон давж заалдах шатны шүүхийг эрүү, иргэний хэргээр дагнан бие даасан байдлаар байгуулж улсын хэмжээнд нийт 75 шүүх шүүн таслах үйл ажиллагааг дагнан хэрэгжүүлж эхэлсэн. Харин 2015 оны Шүүх байгуулах тухай хуулийн шинэчилсэн найруулгаар орон нутаг дахь сум дундын 6 шүүхээс бусад бүх анхан шатны шүүхийг эрүү, иргэний хэргээр дагнан байгуулж, улсын хэмжээнд нийт 99 шүүх шүүн таслах ажиллагааг явуулж, иргэд хэрэг маргаанаа дагнасан мэргэшсэн шүүх, шүүгчээр шийдвэрлүүлэх бүрэн боломж нээгдсэн. Үүний дагуу 2015 оны 7 дугаар сарын 01-ний өдрөөс Сум дундын 24 дүгээр шүүх эрүү, иргэний хэргээр дагнан байгуулагдаж, Увс аймаг дахь Сум дундын Эрүүгийн хэргийн анхан шатны шүүх үйл ажиллагаагаа явуулж байна. Одоо тус шүүхийн Ерөнхий шүүгчээр Л.Алтан, шүүгчээр Б.Гансүх, С.Болортуяа, шүүгчийн туслах О.Энхжаргал, Ж.Отгонням, Г.Чойном шүүх хуралдааны нарийн бичгийн даргаар Х.Сувд- Эрдэнэ нар ажиллаж байна.

Иргэн танд
Санал асуулга
 

Ярилцлага

Та шүүхэд итгэдэг үү?

Тийм
Үгүй

 
 
Цаг агаар
Хандалт
Бидэнтэй нэгдээрэй
  |  
«    6 дугаар сар 2017    »
MonTueWedThuFriSatSun
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30