Увс аймаг дахь Анхан болон Давж заалдах шатны шүүх

Мэдээ, Мэдээлэл

2015 ОНЫ 12 ДУГААР САРЫН МЭДЭЭ

2015-12-20 13:18:00
Дэлгэрэнгүй

“ИРГЭН-2014” сургалт болж байна.

$\"\"$

Шүүхийн ерөнхий зөвлөлийн Хэргийн хөдөлгөөний удирдлагын хэлтсийн ахлах референт Ш.Одгэрэл, Шүүхийн мэдээллийн технологийн хэлтсийн инженер Д.Оргил нар УВС аймаг дахь Сум дундын Иргэний хэргийн анхан шатны шүүхэд ажиллаж байна.

\"Иргэн-2014” программын сургалтад иргэний хэргийн шүүхийн шүүгч, шүүхийн захиргааны ажилтнууд хамрагдаж байна. Сургалтын явцад \"Иргэн-2014” программыг хэрэглэхэд гарч буй зарим асуудлын талаар шүүгч, ажилтнууд саналаа солилцов.

Туршилтын программыг ашиглан \"Иргэн-2014”-д хэрэг хүлээн авах, хэрэг хянан шийдвэрлэх ажиллагааг хийж гүйцэтгэж байна.

УВС АЙМАГ ДАХЬ ШҮҮХИЙН ТАМГЫН ГАЗАР

2015-12-17 13:13:00
Дэлгэрэнгүй

Хууль хяналтын байгууллагуудтай хамтарсан зөвлөгөөн зохион байгууллаа

$\"\"$

Увс аймгийн прокурорын газраас 2015 оны 12 дугаар сарын 17-ны өдөр сум дундын эрүүгийн хэргийн анхан шатны шүүх, шүүхийн шийдвэр гүйцэтгэх алба, 6 дугаар тойргийн Тахарын алба хаагч нарыг оролцуулан Ял эдлүүлэх ажиллагаанд хяналт тавих хяналтын ажлын чиглэлээр 2015 онд хийсэн ажил, хууль тогтоомжийн хэрэгжилтийн байдал, анхаарах асуудлуудын талаар хамтарсан зөвлөгөөнийг зохион байгуулжээ. Прокурорын газраас хорих болон хорихоос өөр төрлийн ялаар шийтгүүлсэн ялтны ял эдлэлтийн байдалд тавих хяналт, баривчлах, цагдан хорих байрны үйл ажиллагаа, ахуй нөхцлийн талаар хийсэн шалгалтаар илэрсэн нийтлэг зөрчил дутагдлыг дахин гаргахгүй байх талаар, сум дундын эрүүгийн хэргийн анхан шатны шүүхийн ерөнхий шүүгч Л.Алтан шүүхийн шийдвэрийг биелүүлэхэд анхаарах асуудлын талаар тус тус мэдээлэл хийсэн байна. Зөвлөгөөнд оролцогчид хяналтын ажлын чиглэлээр анхаарах асуудлын талаар харилцан ярилцаж, мэдээлэл солилцсоноос гадна эрүүгийн хуулийн тусгай ангийн 120 дугаар зүйлд заасан \"эцэг, эх, эхнэр, нөхөр төрүүлсэн буюу үрчилж авсан хүүхдээ тэжээн тэтгэхээс ноцтой зайлсхийх”, эрүүгийн хуулийн тусгай ангийн 258 дугаар зүйлд заасан \"шүүхийн шийдвэрийг үл биелүүлэх” гэмт хэргүүдийг хэрхэн шийдвэрлэвэл зохих, цаашид анхаарах асуудлын талаар ярилцсан нь үр дүнтэй ажил болжээ. Зөвөлгөөнөөс хамтарсан зөвлөгөөнийг улирал бүр хийж байхаар шийдвэрлэсэн байна.

2015-12-17 10:09:00
Дэлгэрэнгүй

“Хүндэтгэлийн шүүх хуралдаан”-ыг зохион байгууллаа.

$\"\"$

Монгол Улсын Ерөнхийлөгчийн 2015 оны 12 дугаар сарын 11-ний өдрийн 183 дугаар зарлигаар өндөр насны тэтгэвэрт гарч, гавъяаныхаа амралтыг авч байгаа Увс аймаг дахь Эрүүгийн хэргийн анхан шатны шүүхийн шүүгч Т.Алтанчимэг, Т.Байгонак нарт хүндэтгэл үзүүлэх \"Хүндэтгэлийн шүүх хуралдаан”-ыг 2014 оны 12 дугаар сарын 14-ний өдрийн 10.00 цагт хийв.

Тус шүүх хуралдаанд Увс аймгийн Прокурорын байгууллагын хамт олон болон өмгөөлөгч нар оролцсон бөгөөд шүүх хуралдааны дараа ахмад шүүгч нар маань дурсамж яриа өрнүүлж, дурсгалын зураг татуулав.