УВС АЙМАГ ДАХЬ СУМ ДУНДЫН ЭРҮҮГИЙН ХЭРГИЙН АНХАН ШАТНЫ ШҮҮХЭЭР 2018-08-20-НЫ ӨДРӨӨС 2018-08-26-НЫ ӨДРҮҮДИЙН ХООРОНД ШИЙДВЭРЛЭГДСЭН ХЭРГИЙН ТОЙМ
- 2018-10-01 11:15:00
1. С.Буянхишиг /Эрүүгийн хуулийн тусгай ангийн 10.6 дугаар зүйлийн 1 дэх хэсэгт зааснаар /-т холбогдох эрүүгийн хэргийн шүүх хуралдаан 2018 оны 8 дугаар сарын 20-ны өдрийн 09 цаг 00 минутад хянан хэлэлцэв.
Даргалагч шүүгч: Б.Гансүх
Шийдвэрлэсэн байдал: С.Буянхишигийг хүний амь насыг болгоомжгүйгээр хохирооосон гэмт хэрэг үйлдсэн гэм буруутайд тооцож, С.Буянхишигт Эрүүгийн хуулийн тусгай ангийн 10.6 дугаар зүйлийн 1 дэх хэсэгт зааснаар 1 жилийн хугацаагаар ял тэнэсэж, Эрүүгийн хуулийн ерөнхий ангийн 7.1 дүгээр зүйлийн 3 дахь хэсэг мөн хуулийн ерөнхий ангийн 7.3 дугаар зүйлийн 2.5 дахь хэсэгт зааснаар шүүгдэгчид тэнэссэн хугацаанд оршин суугаа газар, ажлаа өөрчлөх, зорчин явахдаа хяналт тавьж байгаа байгууллагад урьдчилан мэдэгдэх албадлагын арга хэмжээ авч шийдвэрлэв.
2. С.Нарантуяа /Эрүүгийн хуулийн тусгай ангийн 11.6 дүгээр зүйлийн 1 дэх хэсэгт зааснаар /-т холбогдох эрүүгийн хэргийн шүүх хуралдаан 2018 оны 8 дугаар сарын 24-ний өдрийн 09 цаг 00 минутад хянан хэлэлцэв.
Даргалагч шүүгч: Б.Гансүх
Шийдвэрлэсэн байдал: С.Нарантуяаг хүний эрүүл мэндэд хөнгөн хохирол учруулах гэмт хэрэг үйлдсэн гэм буруутайд тооцож, Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар 320 цагийн хугацаагаар нийтэд тустай ажил хийлгэх ял оногдуулж шийдвэрлэв.
3. Г.Батхүү /Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар /-т холбогдох эрүүгийн хэргийн шүүх хуралдаан 2018 оны 8 дугаар сарын 24-ний өдрийн 15 цаг 00 минутад хянан хэлэлцэв.
Даргалагч шүүгч: С.Болортуяа
Шийдвэрлэсэн байдал: Г.Батхүүг хүний эрүүл мэндэд хөнгөн хохирол учруулах гэмт хэрэг үйлдсэн гэм буруутайд тооцож, Г.Батхүүд Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар 500 нэгжтэй тэнцэх хэмжээ буюу 500,000 төгрөгийн торгох ял оногдуулж шийдвэрлэв.
ШҮҮХ ХУРАЛДААНЫ ТОЙМ БИЧСЭН
ШҮҮХ ХУРАЛДААНЫ НАРИЙН БИЧГИЙН ДАРГА / Г.АЛТАНЛХАМ