Тус зөвлөгөөнд Увс аймаг дахь Эрүүгийн болон Захиргааны хэргийн анхан шатны шүүх, аймгийн прокурорын газрын Ерөнхий прокурор, түүний орлогч, хяналтын прокурорууд, Цагдаагийн газрын дарга, нийтийн хэв журам хамгаалах хэлтсийн дарга, замын цагдаагийн тасгийн дарга зэрэг зөрчил шалган шийдвэрлэх эрх бүхий байгууллага, албан тушаалтнууд оролцлоо. Зөвлөгөөнөөр зөрчлийн тухай хууль, Зөрчил шалган шийдвэрлэх тухай хууль, түүнтэй нийцүүлэн гаргасан бусад хууль тогтоомжууд болон Засгийн газрын тогтоол зэргийг нэг мөр ойлгож хэрэгжүүлэх зөрчлийн хэрэг бүртгэх ажиллагаа явуулахад гарч буй зөрчил дутагдал, шүүн таслах ажиллагааны явцад гарч буй хүндрэл бэрхшээл, цаашид анхаарах асуудлын талаар хэлэлцэн зөвлөлдлөө.