Захиргааны хэргийн хөдөлгөөний нийтлэг аргачлал, Захиргааны хэргийн бүртгэл, хяналтын нэгдсэн систем” сэдэвт сургалт болж байна

• 2019-03-04 01:27:52

Шүүхийн ерөнхий зөвлөлөөс Захиргааны хэргийн анхан, давж заалдах, хяналтын шатны шүүхийн захиргааны ажилтнуудад \"Захиргааны хэргийн хөдөлгөөний нийтлэг аргачлал, Захиргааны хэргийн бүртгэл, хяналтын нэгдсэн систем” сэдэвт сургалтыг 2019 оны 03 дугаар сарын 01-ний өдөр эхлүүлээд байна.

Сургалт 2 өдөр үргэлжлэх ба нийслэл, орон нутгийн захиргааны хэргийн анхан, давж заалдах, хяналтын шатны шүүхийн 66 захиргааны ажилтан оролцож байна.

Сургалтын зорилго нь \"Захиргааны хэргийн хөдөлгөөний нийтлэг аргачлал”-ын хэрэгжилтийг хангах, захиргааны хэрэг хянан шийдвэрлэх ажиллагаан дахь шүүхийн захиргааны ажилтны үүрэг, оролцоо, ур чадварыг нэмэгдүүлж, Захиргааны хэргийн бүртгэл хяналтын нэгдсэн системийг хөгжүүлэх, цаашид анхаарах асуудлыг тодорхойлоход оршиж байгаа юм.

ХЭРГИЙН ХӨДӨЛГӨӨНИЙ УДИРДЛАГЫН ХЭЛТЭС