АХМАДУУДДАА ХҮНДЭТГЭЛ ҮЗҮҮЛЛЭЭ

• 2022-10-03 09:56:38

Шүүхийн байгууллагад залуу халуун насаа зориулж, төрийн үйлчилгээг түмэн олонд хүргэх үүргээ нэр төртэй биелүүлэн гавьяаны амралтаа эдлэн суугаа ахмад шүүгч Ч.Дулмаа, Т.Алтанчимэг, Б.Цагцалмаа, М.Пагма-Оролмаа, ахмад ажилтан И.Цагаанхүү, Ж.Бадамхүү, Д.Оюун, Б.Орлом нарыг олон улсын ахмадын баярын өдрийг тохиолдуулан урин уулзаж, хүндэтгэл үзүүллээ. Монгол Улсын шүүхийн түүхийг бичилцэж, шударга ёсыг тогтоох их үйлсэд хувь нэмрээ оруулсан үе үеийн ахмад шүүгч, ажилтнууддаа “Олон улсын ахмадын баяр”-ын мэнд хүргэж, эрүүл энх, урт удаан наслахын өлзийтэй ерөөлийг өргөн дэвшүүлье.