Image

ШҮҮХИЙН ЗАХИРГААНЫ БАЙГУУЛЛАГЫН УДИРДАХ АЖИЛТНЫ СУРГАЛТ, ЗӨВЛӨГӨӨН ЭХЭЛЛЭЭ

\"\"

Монгол Улсын шүүхийн захиргааны байгууллагын удирдах ажилтны сургалт зөвлөгөөн өнөөдөр Улаанбаатар хотноо эхэллээ. Шүүхийн ерөнхий зөвлөлөөс зохион байгуулж буй энэхүү сургалт, зөвлөгөөнд анхан болон давж заалдах шатны шүүхийн 41 тамгын газрын дарга оролцож байгаа бөгөөд энэ сарын 17-19-ний өдрүүдэд үргэлжилнэ. Сургалт, зөвлөгөөний нээлтэд Шүүхийн ерөнхий зөвлөлийн дарга Д.Зүмбэрэллхам, гишүүн Н.Баасанжав, Э.Зоригтбаатар, Н.Мөнгөнцэцэг, А.Насандэлгэр, Р.Онончимэг, Б.Ундрах, Л.Энхбилэг, Гүйцэтгэх нарийн бичгийн дарга Р.Батрагчаа нар оролцлоо. Шүүхийн ерөнхий зөвлөлийн дарга, хууль зүйн ухааны доктор Д.Зүмбэрэллхам сургалтыг нээж хэлсэн үгэндээ “Монгол Улсын Үндсэн хуульд оруулсан нэмэлт өөрчлөлтөд нийцүүлэн, Улсын их хурлаас 2021 оны 1 дүгээр сарын 15-ны өдөр баталсан Монгол Улсын Шүүхийн тухай хуулийн дагуу шинээр бүрэлдсэн Шүүхийн ерөнхий зөвлөл бүрэн бүрэлдэхүүнээрээ ажиллаж эхлээд сар гаруй хугацаа өнгөрчээ. Энэ хугацаанд бид нэлээн эрчтэй ажиллалаа. Шүүхийн ерөнхий зөвлөлд хуулиар олгогдсон үндсэн таван чиг үүргийн хүрээнд таван хороо байгуулж, гишүүдэд хуваарилан ажиллаж байна. Шүүхийн ерөнхий зөвлөлөөс зохион байгуулж байгаа энэ удаагийн сургалт, зөвлөгөөн нэлээд онцлогтой. Шүүхийн тухай хуулийг хэрэгжүүлэх, хуулийг дагаж гарсан дүрэм, журмыг хэрэгжүүлэхэд 2022 он гарааны жил байх болно. Үүнд Шүүхийн захиргааны 41 тамгын газар манлайлал үзүүлж ажиллах ёстой. Үндсэндээ Шүүхийн тухай хуулийг хэрэгжүүлэх эцсийн хувь заяа бол шүүхийн захиргааны удирдах ажилтнууд Та бүхний гарт байгааг хэлэхийг хүсэж байна. Шүүхийн ерөнхий зөвлөлийн гишүүд, ажлын алба, шүүхийн тамгын газрын дарга, шүүхийн захиргааны ажилтнууд бүгд сэтгэлгээний шинэтгэл хийж, нэг зорилгод нэгдэж байж шүүхийн шинэтгэлийг амжилттай хийж чадна. Энэхүү шинэтгэлийг хийхэд сургалт маш их хэрэгтэй. Тийм учраас Шүүхийн ерөнхий зөвлөлөөс энэхүү сургалтад их ач холбогдол өгч байна” гээд Шүүхийн ерөнхий зөвлөлийн нэрийн өмнөөс сургалтын үйл ажиллагаанд амжилт хүссэн юм.

 


       

       Сургалтыг Монгол Улсын төрийн шагналт, Шинжлэх ухааны гавьяат зүтгэлтэн, Академич, профессор, Япон Улсын Нагояагийн Их сургуулийн хүндэт доктор, С.Нарангэрэл “Хүмүүн байхын учир, ёс суртахуунд нь оршвой” лекцээр эхэллээ.

 


     

       Дараа нь Монгол Улсын Төрийн албаны зөвлөлийн Маргаан хянан шалгах газрын дарга Ч.Бат-Эрдэнэ “Төрийн албаны тухай хуулийн /Шинэчилсэн найруулга/ хэрэгжилт, анхаарах асуудал, МУИС-ийн практик сургалтын төвийн эрхлэгч, доктор (Ph.D), дэд профессор С.Болормаа “Хөдөлмөрийн тухай хууль /Шинэчилсэн найруулга/-ийн танилцуулга”, Монгол Улсын Их сургуулийн Бизнесийн сургуулийн багш Э.Жавхлан “Төрийн худалдан авах ажиллагаа”, Нийслэлийн Иргэний хэргийн давж заалдах шатны шүүхийн Ерөнхий шүүгч, Хууль зүйн ухааны доктор (LL.D) Ж.Оюунтунгалаг “Хэрэг, нэхэмжлэл, өргөдөл, гомдол, хүсэлт хүлээн авах, хуваарилах болон хэрэг маргааныг хянан шийдвэрлэх шүүгч, шүүх бүрэлдэхүүнийг сугалаагаар томилох нийтлэг журмын танилцуулга, шүүхийн захиргааны анхаарах асуудал” сэдвээр тус тус хичээл заалаа.

 

Шүүхийн хэвлэл мэдээллийн хэлтэс

Image

2021 ОНД АЖЛЫН ҮЗҮҮЛЭЛТЭЭР ТЭРГҮҮЛСЭН ШҮҮХИЙН ЗАХИРГААНЫ АЖИЛТНУУДЫГ ШАГНАЖ УРАМШУУЛЛАА

\"\"

Увс аймгийн шүүхийн хамт олны хурлаар /2021.12.31/ 2021 оны шүүн таслах ажиллагааны мэдээ, чанар, шүүхийн Тамгын газрын үйл ажиллагааны тайлан, үр дүнг хэлэлцэж, мөн онд ажлын үзүүлэлтээр тэргүүлсэн шүүхийн захиргааны ажилтнуудыг шагнаж урамшууллаа.

Түүнчлэн, анхан болон давж заалдах шатны шүүхүүдийн 2021 оны бүтэн жилийн шүүн таслах ажиллагааны статистик мэдээ гарсантай холбогдуулан шүүн таслах ажлын мэдээг шүүх тус бүрээр танилцуулав. Шүүхийн захиргааны ажилтны ажлын үзүүлэлтийг гүйцэтгэлийн төлөвлөгөөний тайлан, ажлын ачааллыг нь үндэслэж 2021 оны ажлын үр дүнгээр Увс аймаг дахь сум дундын иргэний хэргийн анхан шатны шүүхийн шүүгчийн туслах Б.Баясгалан, Увс аймаг дахь сум дундын эрүүгийн хэргийн анхан шатны шүүхийн шүүгчийн туслах Д.Нямжав нар тэргүүлж, өргөмжлөл, мөнгөн шагналаар шагнууллаа. 2021 онд ажлын үр дүн, үзүүлэлтээрээ хамт олноо тэргүүлсэн Б.Баясгалан, Д.Нямжав нарт баяр хүргэж, эрүүл энх, сайн сайхан бүхнийг хүсэн ерөөв.

 

 

УВС АЙМАГ ДАХЬ ШҮҮХИЙН ТАМГЫН ГАЗАР

2021-12-31

Image

Увс аймаг дахь сум дундын иргэний хэргийн анхан шатны шүүх дэх эвлэрүүлэн зуучлагч Ж.Отгонням “Нөлөөллийн мэдүүлэг хөтлөх, тэмдэглэл үйлдэх, шийдвэрлэх журам” сэдвээр захиргааны ажилтнуудад сургалт зохион байгууллаа.

\"\"

2021 оны 12 дугаар сарын 21-ний өдөр Увс аймаг дахь сум дундын иргэний хэргийн анхан шатны шүүх дэх эвлэрүүлэн зуучлагч Ж.Отгонням Монгол улсын шүүхийн тухай хууль /шинэчилсэн найруулга/ батлагдсантай холбогдуулан Шүүхийн ерөнхий зөвлөлөөс 2021 онд шинэчлэн батлагдсан дүрэм, журмуудын нэг болох “Нөлөөллийн мэдүүлэг хөтлөх, тэмдэглэл үйлдэх, шийдвэрлэх журам” сэдвээр захиргааны ажилтнуудад сургалт зохион байгуулж, нөлөөллийн мэдүүлэг танилцуулах ажиллагаа болон хууль батлагдсантай холбоотойгоор гарсан өөрчлөлт шинэчлэлийг харилцан ярилцаж, мэдлэг туршлагаа хуваалцсан үр дүнтэй сургалт боллоо.

Image

ШҮҮХИЙН ҮЙЛЧЛЭГЧ Ж.БАДАМХҮҮ, Д.ОЮУН НАРТ ХҮНДЭТГЭЛ ҮЗҮҮЛЛЭЭ

\"\"

Увс аймгийн шүүхийн хамт олон гавьяаныхаа амралтаа авсан шүүхийн үйлчлэгч Ж.Бадамхүү, Д.Оюун нарт хүндэтгэл үзүүллээ. Үйлчлэгч Ж.Бадамхүү нь улсад нийт 37 жил, Д.Оюун нь улсад нийт 35 жил ажилласан бөгөөд Увс аймгийн шүүхэд 30-аад жил тасралтгүй, үр бүтээлтэй хөдөлмөрлөжээ. Хүндэтгэлийн арга хэмжээний үеэр шүүхийн хамт олон олон жилийн түүхийг хамт бүтээлцсэн 2 үйлчлэгчтэйгээ тэдний залуу нас, хөгжилтэй, баяр хөөртэй үеийг дурсан санаж яриа өрнүүлэн “Шүүхийн хамт олныг цэвэр тохилог орчинд ажиллах нөхцөл боломжийг бүрдүүлэх үйлсэд үнэтэй хувь нэмэр оруулж, өндөр насны тэтгэвэр тогтоолгон гавьяаны амралтаа авч буй Ж.Бадамхүү, Д.Оюун нарт Увс аймаг дахь анхан болон давж заалдах шатны шүүхийн шүүгчид, шүүхийн захиргааны ажилтнууд баяр хүргэж, аз жаргал, эрүүл энх, сайн сайхан бүхнийг хүсэн ерөөж зургийн цомог болон дурсгалын зүйл гардуулан өглөө.

 

 

Хүндэтгэсэн,

УВС АЙМГИЙН ШҮҮХИЙН ХАМТ ОЛОН

2021-12-15

Image

МЭДЭЭЛЭЛ ЛАВЛАГААНЫ МЭРГЭЖИЛТНИЙ ЦАХИМ СУРГАЛТ ЭХЭЛЛЭЭ

\"\"

Шүүхийн ерөнхий зөвлөлөөс шүүхийн захиргааны ажилтны ур чадварыг дээшлүүлэх сургалтын хүрээнд мэдээлэл лавлагааны мэргэжилтний сургалтыг 2021 оны 11 дүгээр сарын 30, 12 дугаар сарын 01-ний өдрүүдэд зохион байгуулж байна.

      Сургалтын зорилго нь шүүхийн үйлчилгээ, хэргийн хөдөлгөөний удирдлагын чиг үүргээ хэрэгжүүлэхэд шаардлагатай ахисан түвшний мэдлэг чадварыг эзэмшүүлэхэд оршино.

     Сургалтыг Шүүхийн ерөнхий зөвлөлийн гишүүн Э.Зоригтбаатар нээж, амжилт хүсч хэлсэн үгэндээ “Шүүхийн үйлчилгээний “нэрийн хуудас” болж, иргэд, олон нийттэй харилцах тэргүүн эгнээнд хариуцлагатай алба үүргийг гүйцэтгэж байгаа мэдээлэл лавлагааны мэргэжилтнүүд та бүхэнтэй цахимаар холбогдож байгаадаа баяртай байна.  Ковид-19 цар тахлын улмаас сургалтыг зайнаас буюу цахимаар зохион байгуулж байгаа тул та бүхнийг сургалтад идэвхтэй хамрагдаж, мэдлэг, чадвараа ахиулах хичээл зүтгэл гаргана гэдэгт итгэж байна. Шүүхийн ерөнхий зөвлөл шүүхийн захиргааны ажилтны сургалтын хөтөлбөрийг та бүхний эрэлт хэрэгцээнд тулгуурлаж, жилээс жилд хүртээмжийг дээшлүүлэхэд анхаарч ажиллах болно. Энэ ажилд та бүхний санал үнэлгээ, оролцоо нэн чухал юм.” гэж онцлов.

Image

Увс аймгийн шүүх байгуулагдсаны түүхт 90 жилийн ой тохиолоо.

\"\"

Төрийн эрх мэдлийг хэрэгжүүлж, шударга ёсыг сэргээн тогтоох, ардчилал, хүний эрх, эрх чөлөөг хангах чиг үүрэг бүхий шүүх байгууллага Увс аймагт байгуулагдсаны түүхт 90 жилийн ойг 2021 оны 11 дүгээр сарын 25-ны өдөр Увс аймгийн Насан туршийн боловсрол, хүүхэд хөгжлийн төвд баярын хурал хийснээр ёслол төгөлдөр эхэллээ.

Шинэ төрлийн короновирус /ковид-19/ цар тахал дэлхийн бусад улс орнуудад болон дотоодод тархсантай холбогдуулан түүнээс урьдчилан сэргийлэх, эрсдэлээс хамгаалах зорилгоор олон нийтийг хамарсан уулзалт, сургалтыг явуулахыг хязгаарласан зэргээс шалтгаалан ойн арга хэмжээг Увс аймгийн хэмжээнд зохион байгуулсан бөгөөд Увс аймгийн шүүхийн түүхт 90 жилийн ойг тохиолдуулан, Шүүхийн Ерөнхий зөвлөлийн дарга Э.Батбаяраас ирүүлсэн видео мэндчилгээг уламжлав.

 Увс аймгийн шүүхийн түүхт 90 жилийн ойд зориулан бүтээсэн \"Түүхэн дурсамж-90 жил” номыг Увс аймаг дахь Захиргааны хэргийн анхан шатны шүүхийн шүүгч Д.Алтанцэцэг, Увс аймаг дахь Сум дундын иргэний хэргийн анхан шатны шүүхийн шүүгч Л.Дэлгэрцэцэг, Мэдээлэл, технологийн мэргэжилтэн Б.Даваахүү нар эмхэтгэн хэвлүүлсэн бөгөөд номын дээжээс баярын хурал дээр ирсэн зочид, төлөөлөгчдөд өргөн барилаа.

Увс аймгийн шүүхийн дэргэдэх “Шүүхийн ахмадын холбоо”-ны дарга, ахмад шүүгч Ч.Дулмаа шүүхийн ахмадуудаа төлөөлөн мэндчилгээ дэвшүүлэв.

Увс аймгийн шүүхийн түүхт 90 жилийн ойг тохиолдуулан шүүгч, ажилтнууд төр засгийн болон салбарын шагналуудаар шагнагдсан юм.

Увс аймгийн Эрүү, Иргэний хэргийн давж заалдах шатны шүүхийн шүүгч Л.Алтан “Хөдөлмөрийн хүндэт медаль”, Тамгын газрын дарга Л.Баттулга “Алтан гадас” одон, Увс аймаг дахь Сум дундын Иргэний хэргийн анхан шатны шүүхийн шүүгч Л.Дэлгэрцэцэг “Хууль зүйн албаны тэргүүний ажилтан, Увс аймаг дахь Сум дундын Эрүүгийн хэргийн анхан шатны шүүхийн Ерөнхий шүүгч Б.Гансүх “Монголын хуульчдын холбооны хүндэт тэмдэг”, Увс аймаг дахь Сум дундын иргэний хэргийн анхан шатны шүүхийн шүүгч Л.Дэлгэрцэцэг, шүүгчийн туслах Ц.Энхзаяа нар “Хууль зүйн албаны тэргүүний ажилтан”, нягтлан бодогч А.Мөнхзул “Нягтлан бодох бүртгэлийн тэргүүний ажилтан”, шүүгчийн туслах Б.Баясгалан, Н.Эрдэнэ-Очир, эвлэрүүлэн зуучлагчийн туслах ажилтан Ё.Мөнхгэрэл нар Монголын залуучуудын холбооны “Тэргүүний залуу” цол тэмдэг, мэдээлэл лавлагааны мэргэжилтэн Т.Жаргалсайхан Монголын залуучуудын холбооны “Хөдөлмөрийн алдар” цол тэмдэг, шүүгчийн туслах Б.Сарантуяа, Ш.Анхцэцэг, Х.Сувд-Эрдэнэ, мэдээлэл технологийн мэргэжилтэн Б.Даваахүү нар Шүүхийн Ерөнхий Зөвлөлийн “Өргөмжлөл”, шүүгчийн туслах Ц.Баярмагнай, эвлэрүүлэн зуучлагч Ж.Отгонням, бичиг хүргэгч Б.Баатаржав нар Шүүхийн Ерөнхий Зөвлөлийн “Хүндэт тэмдэг”, шүүгчийн туслах Н.Удвал, Д.Нямжав нар Увс аймгийн ИТХ-ын “Өргөмжлөл”, үйлчлэгч Ж.Бадамхүү, Д.Оюун нар Увс аймгийн Засаг даргын “Жуух бичиг” болон “Ю.Цэдэнбал” шагналаар тус тус шагнагдаж, хөдөлмөр зүтгэлээ үнэлүүллээ.

Нийт: 1537 мэдээ байна.

Хэрэгцээт холбоос