Image

“Цагийн менежемент” сэдэвт сургалт зохион байгууллаа.

\"\"

2019 оны 10 дугаар сарын 15-ны өдөр шүүгч, ажилтнуудад шүүх хуралдааны нарийн бичгийн дарга Д.Болорзаяа, Б.Энхтуяа нар \"Цагийн менежмент” сэдэвт сургалтыг зохион байгууллаа. Уг сургалт нь цагийн менежментийн тухай ойлголт, түүний ач тус, арга техник гэсэн 3 хэсгээс бүрдсэн бөгөөд шүүгч, ажилтнууд хэрхэн цаг болон ажлаа төлөвлөж хийх талаар харилцан ярилцан ач холбогдолтой сургалт боллоо.

Image

УВС АЙМГИЙН ХУУЛЬЧДАД ХУУЛЬЧИЙН ҮРГЭЛЖИЛСЭН СУРГАЛТ ЗОХИОН БАЙГУУЛАГДЛАА.

\"\"Ажлын хэсэг нь Монголын Хуульчдын холбооны үйл ажиллагааг таниулах, хуульчийн үргэлжилсэн сургалт зохион байгуулах зорилготойгоор орон нутагт ажиллаж байгаа бөгөөд орон нутгийн хуульчдаас санал болгосон сэдэвт тулгуурлан сургагч багшийг сонгож, хуульчийн үргэлжилсэн сургалтын 3 багц цаг олгох сургалт явуулсан. Тодруулбал, Нийслэлийн Захиргааны хэргийн анхан шатны шүүхийн шүүгч Д.Халиуна \"Захиргааны хэргийн шийдвэр гүйцэтгэх ажиллагаа\", \"Төрийн албаны хуулийн шинэчилсэн найруулга”, \"Улсын бүртгэлийн хууль тогтоомжийн зохицуулалт, шүүхийн практик” сэдвээр, Монголын Хуульчдын холбооны гишүүн хуульч В.Энхтамир \"Газрын харилцаа, үл хөдлөх эд хөрөнгийн эрхийн бүртгэл” сэдвээр, \"Хан голомт” консалтингийн захирал, хуульч Ц.Азбаяр \"Хуульчийн харилцаа, хандлага, ёс зүй” сэдвээр тус тус хичээл заасан. Сургалтад Увс аймагт хуульчийн мэргэжлийн үйл ажиллагаа явуулж буй 38 хуульч хамрагдав. Тус сургалтын үеэр Хуульчдын холбооны Чиг үүргийн хороод хариуцсан ахлах мэргэжилтэн Г.Санчир \"Хуульч” аппликэйшний талаар танилцуулга хийж, мэдээлэл өгсөн. Мөн ажлын хэсэг нь Хуульчдын холбооны Ерөнхийлөгчийн тушаалаар Увс аймаг дахь Эрүү, иргэний хэргийн давж заалдах шатны шүүхийн шүүгч Надмидын Мөнхжаргал,  Увс аймгийн Прокурорын газрын Хяналтын прокурор Пүрэвийн Удвал, өмгөөлөгч Доржсүрэнгийн  Дамдинсүрэн нарыг Монголын Хуульчдын холбооны \"Хүндэт тэмдэг”-ээр шагнасныг гардуулан өглөө.


Image

Увс аймаг дахь Шүүхийн тамгын газраас Монголын Хуульчдын холбоотой хамтран 3,2 сая төгрөгийн хөрөнгө оруулалтаар өмгөөлөгчдийн өрөөг тохижууллаа.

 

\"\" 

Монголын Хуульчдын холбооноос Шүүхийн ерөнхий зөвлөлтэй харилцан тохиролцож шүүхийн байранд өмгөөлөгчийн ажлын өрөө тохижуулах ажлыг хүрээнд Увс аймаг дахь Шүүхийн тамгын газраас Монголын Хуульчдын холбоотой хамтран 3,2 сая төгрөгийн хөрөнгө оруулалтаар өмгөөлөгчдийн өрөөг тохижууллаа. Шүүхийн байранд ажлын өрөөтэй болсноор өмгөөлөгчид үйлчлүүлэгч болон мэтгэлцэгч талтай хамт коридорт зогсож байгаад шүүх хуралд орох, хавтаст хэрэгтэйгээ танилцах гэж шүүхийн туслахуудын өрөөнд суух хүндрэл бэрхшээлүүд үгүй болж байна.Ингэснээр өмгөөлөгч нар шүүх хурлын бэлтгэлээ бүрэн хангах, хавтаст хэрэгтэй нухацтай танилцах, үйчлүүлэгчтэйгээ ганцаарчлан уулзах, шаардлагатай хууль тогтоомжоо интернэтээр үзэх, шүүх хуралдааны завсарлагаанаар тухтай байх зэрэг олон давуу талууд бий болгож байгаараа онцлог юм.

Image

Захиргааны хэргийн анхан шатны шүүхээр 2019 оны 10 дугаар сарын 7-ны өдрөөс 2019 оны 10 дугаар сарын 11-ний өдрийн хооронд шийдвэрлэгдсэн хэргийн тойм

\"\" 

1. \"Гулзатын санаачлага ТББ-ын удирдах зөвлөлийн дарга Б.Даваасамбуугийн нэхэмжлэлтэй, Увс аймгийн Бөхмөрөн сумын Засаг даргад холбогдох \"14.000.000 төгрөгийг \"Гулзатын санаачилга\" ТББ-д шилжүүлэхгүй байгаа эс үйлдэхгүйг хууль бусад тооцож, 14.000.000 төгрөгийг \"Гулзатын санаачилга\" ТББ-д шилжүүлэхийг даалгуулах” тухай нэхэмжлэлийн шаардлагатай захиргааны хэргийг 2019 оны 10 дугаар сарын 10-ны өдрийн 10 цаг 00 минутад шүүх хуралдаанаар хянан хэлэлцэв.

Даргалагч, шүүгч:Д.Алтанцэцэг,

Шийдвэрлэсэн байдал: Байгалийн нөөц ашигласны төлбөрийн тухай хуулийн 13дугаарзүйлийн 13.1, 13.5 дахь хэсгүүдэд заасныг баримтлан нэхэмжлэгч \"Гулзатын санаачилга” төрийн бус байгууллагын нэхэмжлэлийн шаардлагыг хангаж, Бөхмөрөн сумын иргэдийн Төлөөлөгчдийн Хурлын 2018 оны 12 сарын 14-ний өдрийн 9/09 дугаартай тогтоолоор байгаль хамгаалах, байгалийн нөөцийг нөхөн сэргээх арга хэмжээнд зарцуулахаар шийдвэрлэгдсэн 14 сая төгрөгийн санхүүжилтийг \"Гулзатын санаачилга” ТББ-д олгохгүй байгаа Увс аймгийн Бөхмөрөн сумын Засаг даргын эс үйлдэхүйг хууль бусад тооцож, 14 сая төгрөгийн санхүүжилтийг\"Гулзатын санаачилга” ТББ-д олгохыг Увс аймгийн Бөхмөрөн сумын Засаг даргад даалгаж шийдвэрлэв.

2. \"Прокурорын дүгнэлттэй” Увс аймгийн Мэргэжлийн хяналтын газрын Эрүүл ахуй, халдвар хамгааллын хяналтын улсын байцаагч Б.Ганчимэгт холбогдох\"Мэргэжлийн хяналтын газрын Эрүүл ахуй, халдвар хамгааллын хяналтын улсын байцаагч Б.Ганчимэг нь Увс аймгийн Улаангом сумын 11-р багт Төрийн банкны Увс аймаг дахь салбарын барилгын зураг төслийн ажлыг гүйцэтгэж байгаа \"Тоонот констракшн” ХХК-ийн зүгээс эрүүл ахуйн урьдчилсан хяналт шалгалт хийлгэж, дүгнэлт гаргуулаагүй” тухай зөрчлийг хянан хэлэлцэх захиргааны хэргийг 2019 оны 10 дугаар сарын 10-ны өдрийн 14 цаг 00 минутад шүүх хуралдаанаар хянан хэлэлцэв.

Даргалагч, шүүгч: Д.Алтанцэцэг,

Шийдвэрлэсэн байдал: Зөрчлийн тухай хуулийн 1.2 дугаар зүйлийн 2, 6.17 дугаар зүйлийн 2 дахь хэсгүүдэд заасныг баримтлан Увс аймгийн Прокурорын газрын хяналтын прокурор Э.Ууганзаяагийн 2019 оны 08 сарын 27-ны өдрийн 05 дугаартай дүгнэлт бүхий гомдлын шаардлагыг хангаж Увс аймгийн Мэргэжлийн хяналтын газрын Эрүүл ахуй,халдвар хамгааллын хяналтын улсын байцаагч Б.Ганчимэгийн 2019 оны 08 дугаар сарын 19-ний өдрийн 0172897 дугаартай шийтгэлийн хуудсыг хүчингүй болгож шийдвэрлэв.

Тойм бичсэн шүүх хуралдааны

нарийн бичгийн дарга Б.Энхтуяа


Image

“Ажлын байран дахь эераг ба сөрөг харилцаа”, шүүгчийн туслах Н.Удвал нь “Эрүүгийн хэргийн хөдөлгөөний нийтлэг аргачлал” сэдвээр тус тус шүүхийн захиргааны ажилтнуудад сургалтыг зохион байгууллаа.

\"\" 

Увс аймаг дахь шүүхийн Тамгын газрын 2019 оны шүүхийн захиргааны ажилтнуудыг чадвахжуулах дотоод сургалтын төлөвлөгөөнд тусгагдсны дагуу 2019 оны 10 дугаар сарын 10-ны өдөр шүүгчийн туслах Ц.Баярмагнай \"Ажлын байран дахь эераг ба сөрөг харилцаа”, шүүгчийн туслах Н.Удвал нь \"Эрүүгийн хэргийн хөдөлгөөний нийтлэг аргачлал” сэдвээр тус тус шүүхийн захиргааны ажилтнуудад сургалтыг зохион байгууллаа.

 

 



Image

“ОХИДОО ХАМТДАА ХАМГААЛЪЯ” уулзалт, хэлэлцүүлэг зохион байгуулагдлаа.

\"\"2019 оны 10 дугаар сарын 11-ний өдрийн 13 цагт \"Ойрад” ХЖТеатрт Монголын Эмэгтэйчүүдийн холбооны Увс аймаг дахь салбар зөвлөл, Увс аймгийн Гэр бүл, хүүхэд, залуучуудын хөгжлийн газраас хамтран Олон улсын охидын өдөрт зориулсан \"ОХИДОО ХАМТДАА ХАМГААЛЪЯ” уулзалт, хэлэлцүүлгийг зохион байгууллаа. \"Өсвөр үеийнхний өнөөгийн байдал, охидын эсрэг гэмт хэргийн тухай” хэлэлцүүлэгт Увс аймаг дахь сум дундын Эрүүгийн хэргийн анхан шатны шүүхийн шүүгч Б.Мөнхзаяа нь сүүлийн 3 жилийн байдлаар гэмт хэргийн улмаас хохирсон охид болон иргэний хэргийн шүүхээр гэрлэлт цуцлалтын улмаас хүүхдийн эрх хэрхэн зөрчигдөж буй тухай илтгэл хэлэлцүүлж оролцлоо.



Нийт: 1530 мэдээ байна.

Хэрэгцээт холбоос