Image

Анхан шатны шүүхийн шүүгчийн сонгон шалгаруулалтын зар

Шүүхийн ерөнхий зөвлөлийн даргын 2016 оны 06 дугаар сарын 20-ны өдрийн 85 тоот тушаалаар \"Сүхбаатар аймаг дахь сум дундын Эрүүгийн хэргийн анхан шатны шүүхийн шүүгчийн, Ховд аймаг дахь сум дундын Эрүүгийн хэргийн анхан шатны шүүхийн шүүгчийн тус тус нэг сул орон тоонд сонгон шалгаруулалт” зарлалаа.

 

I.АНХАН ШАТНЫ ШҮҮХИЙН ШҮҮГЧИД НЭР ДЭВШИГЧ:

Анхан шатны шүүхийн шүүгчид нэр дэвшигч нь Монгол Улсын Үндсэн хуулийн 51 дүгээр зүйлийн 51.3, Шүүгчийн эрх зүйн байдлын тухай хуулийн 4 дүгээр зүйлд заасан дараах болзол, шаардлагыг хангасан байна. Үүнд:

1.Хууль зүйн дээд боловсролтой;

2.Мэргэжлээрээ 3-аас доошгүй жил ажилласан /Хуульчийн мэргэжлийн үйл ажиллагаа эрхлэх зөвшөөрөл авсан өдрөөс хойш 3 жилийн хугацаанд мэргэжлээрээ ажилласан байх/;

3.Монгол Улсын хорин таван нас хүрсэн иргэн;

4.Ял шийтгүүлж байгаагүй;

5.Шүүгчид нэр дэвших үед гэмт хэрэгт холбогдоогүй буюу сэжигтэн, яллагдагчаар татагдаагүй;

6.Бусдад хугацаа хэтэрсэн зээлийн өргүй;

7.Шүүгчээр ажиллахад харшлах өвчин, сэтгэцийн эмгэггүй;

8.Хуульчийн мэргэжлийн үйл ажиллагаа эрхлэх зөвшөөрлийн гэрчилгээтэй;

9.Мэргэжлийн ёс зүйгээ ухамсарласан, шударга ёсыг эрхэмлэдэг, хүний эрхийг дээдлэх, бусдын нөлөөнд автахгүй, бие даасан шийдвэр гаргах чадвартай;

10.Mонгол хэлний ярианы болон бичгийн соёл, чадвартай;

11.Мэдээллийн технологийн хэрэглээний програмыг ашиглах чадвартай;

12.Шүүгчээр ажиллах тухайн дагнасан шүүхийн салбар эрх зүйн мэдлэг, туршлагатай;

13.Бусдын саналд хүндэтгэлтэй хандаж, шүүмжлэлийг бодитойгоор хүлээн авч, өөрийн байр суурийг ойлгомжтой тайлбарлах зэрэг асуудлыг шийдвэрлэхэд шаардлагатай зан чанартай байх.

 

Дээр дурдсан болзол, шаардлагыг хангасан хуульч Шүүгчийн эрх зүйн байдлын тухай хуулийн 11 дүгээр зүйлд заасан дор дурдсан баримт бичгийг бүрдүүлэн 2016 оны 08 дугаар сарын 01-ний өдрийн 09 цаг 00 минутаас 08 дугаар сарын 03-ны өдрийн 17 цаг 00 минут хүртэлххугацаанд www.shuugch-songon.mn хаягт хаягт бүртгүүлж, баримт бичгийг файлаар бүртгэлийн хэсэгт хавсарган оруулна уу.

  

Нэр дэвшигчээр бүртгүүлэхийг хүсэж буй хуульч /нөөцөөс болон шинээр/ www.shuugch-songon.mn хаягт бүртгүүлж, баримт бичгийг файлаар бүртгэлийн хэсэгт хавсаргахаас гадна бүрдүүлсэн баримт бичгээ цаасан хэлбэрээр бүртгэлийн хугацаанд баталгаат шууданд хийж Шүүхийн мэргэшлийн хорооны ажлын албанд ирүүлнэ үү!

  

ЖИЧ: Баримтыг дутуу бүрдүүлсэн тохиолдолд бүртгэлээс хасах үндэслэл болохыг анхаарна уу! Баримт материалыг бүрдэл тус бүрээр .pdf файл болгон програмд оруулах (жишээ нь: нийгмийн даатгалын дэвтрийг нүүр, бичилт хийгдсэн бүх хуудаснуудтай нь нэгтгэж нэг .pdf файл болгох) БҮРДҮҮЛЭХ МАТЕРИАЛЫН АЛЬ НЭГ БҮРДЛИЙН ХУУДАС ДУТУУ ОРСОН ТОХИОЛДОЛД БАРИМТЫГ ДУТУУ БҮРДҮҮЛСЭНД ТООЦОХ ТУЛ ОРУУЛСАН ФАЙЛ ТУС БҮРЭЭ БҮРЭН ГҮЙЦЭД ЭСЭХИЙГ ШАЛГАНА УУ.

 

 

БҮРДҮҮЛЭХ БАРИМТ МАТЕРИАЛ:

Үүнд:

1.Төрийн албан хаагчийн анкет /Мэдээллийг үнэн зөв оруулж, худал мэдээлэл оруулсан тохиолдолд хүлээх хариуцлагыг анхаарч өөрийн гараар нягт, нямбай, гаргацтай бөглөнө үү. (Мэдүүлгийг энд дарж татаж авна уу)/;

2.Өргөдөл /Өргөдөлд заавал тусгах мэдээлэл: (1) Шүүхийн ерөнхий зөвлөлийн даргын хэдэн оны хэддүгээр тушаалаар зарласан аль шүүхийн шүүгчийн албан тушаалд нэрээ дэвшүүлэх хүсэлтэй байгаа тухайгаа, (2) бусдад хугацаа хэтэрсэн өр зээлгүй эсэхээ, (3) шүүгчийн сонгон шалгаруулалтад бүртгэгдсэн тохиолдолд хувь хүний мэдээллийг хэвлэл мэдээллийн хэрэгслээр нийтэд мэдээлэхийг зөвшөөрч буй эсэхээ заавал тусгасан байна. Нөөцөөс нэр дэвшигч өргөдөлдөө дээрх заавал тусгах мэдээлэл дээр нэмж (4) Шүүхийн ерөнхий зөвлөлийн даргын хэдэн оны хэддүгээр тушаалаар зарласан, аль шүүхийн шүүгчийн сонгон шалгаруулалтад оролцсон, (5) Шүүхийн мэргэшлийн хорооны үнэлгээнд авсан оноогоо тусгана. Өргөдлийн хуудас бүрт огноог бичиж, гарын үсэг зурсан байна. (Өргөдлийг өөрийн гараар, дүрмийн алдаагүй бичнэ.)/;

3.Гурван үеийн намтар /өөрийн, эцгийн, өвөг эцгийн намтрыг бичиж, хуудас бүрт гарын үсэг зурсан байна. Гурван үеийн намтраа \"www.shuugch-songon.mn” цахим хуудсанд оруулахдаа хавсралтын төрлөө \"Нэр дэвшигчийн мэдээллийн хүснэгт” гэж сонгож оруулна уу/;

4.Монгол Улсын иргэний үнэмлэхний хуулбар /нотариатаар гэрчлүүлсэн байх/;

5.Ажил байдлын тодорхойлолт /эрхэлсэн ажлын байдал, хамт олны доторх нэр хүнд, зан төлөвийн тухай аж ахуйн нэгж, байгууллагын захиргааны тодорхойлолт. Өмгөөлөгч нэр дэвшигчид Монголын хуульчдын холбооны харъяалагдах хорооноос тодорхойлолт авна/;

6.Цээж зураг/3х4 см, сүүлийн нэг сарын дотор авахуулсан нэг ширхэг зураг/;

7.Бүрэн дунд боловсролын гэрчилгээ /хуулбарыг нотариатаар гэрчлүүлсэн байх, хаяж үрэгдүүлсэн тохиолдолд тухайн сургуулийг төгссөн талаар холбогдох байгууллагын тодорхойлолтыг хавсаргах/;

8.Их, дээд сургууль төгссөн диплом /хуулбарыг нотариатаар гэрчлүүлсэн байх, хаяж үрэгдүүлсэн тохиолдолд тухайн сургуулийг төгссөн талаар холбогдох байгууллагын тодорхойлолтыг хавсаргах, Гадаад улсын их, дээд сургуулийн дипломыг тухайн улсын Элчин сайдын яамнаас баталгаажуулсан тодорхойлолт авч, орчуулгын хамт ирүүлэх/;

9.Оршин суугаа газрын тодорхойлолт /ТҮЦ машинаас/;

10.Ам бүлийн тодорхойлолт /баг, хорооны Засаг даргаас/;

11.Хуульчийн мэргэжлийн үйл ажиллагаа эрхлэх зөвшөөрлийн хуулбар /заавал тусгах мэдээлэл: Хууль зүйн сайдын хэдэн оны хэддүгээр тушаалаар олгосон, тушаалын хавсралтад заасан өөрийн овог, нэрийг тодруулж тэмдэглэсэн хуулбар /

12.Нийгмийн даатгалын дэвтэр болон хөдөлмөр эрхэлснийг нотлох бусад баримт бичиг, тэдгээрийн хуулбарыг нотариатаар гэрчлүүлсэн байх. /Ажилласан жилийг нийгмийн даатгалын дэвтрийн \"Ажилд орсон, шилжсэн, чөлөөлсөн” гэсэн бичилтийг үндэслэн тооцно/;

13.Эрүүл мэндийн үзлэгийн маягт /Эрүүл мэндийн сайд, Шүүхийн ерөнхий зөвлөлийн даргын хамтарсан 2014 оны 41/20 тоот албан тушаалын хоёрдугаар хавсралт (Маягтыг энд дарж татаж авна уу)-ын дагуу бөглөнө/;

14.Эд хөрөнгөө тодорхойлж бичсэн жагсаалт (ХОМ) /Улсын Их Хурлын Хууль зүйн байнгын хорооны 2012 оны 05 дугаар тогтоолын 2 дугаар хавсралт (Албан тушаалтны хувийн ашиг сонирхлын мэдүүлэг болон хөрөнгө, орлогын мэдүүлэг)-ын дагуу бөглөнө (Маягтыг энд дарж татаж авна уу)/;

 

 

Тодруулах мэдээллийг 08:30-12:30, 13:30-17:30 цагийн хооронд 7000-8030, 7000-8041 утсанд холбогдож авна уу.

  

 

ШҮҮХИЙН МЭРГЭШЛИЙН ХОРООНЫ АЖЛЫН АЛБА

Image

Анхан болон давж заалдах шатны зарим шүүхийн шүүгч, Ерөнхий шүүгчийн албан тушаалд сонгон шалгаруулалт зарлах тухай

\"\"

Image

Давж заалдах шатны шүүхийн шүүгч, Ерөнхий шүүгчийн сул орон тоонд нэр дэвшигчдийн анхааралд

Давж заалдах шатны шүүхийн шүүгч, Ерөнхий шүүгчийн сул орон тоонд нэр дэвшигчдийн анхааралд

 

Давж заалдах шатны шүүхийн шүүгч, Ерөнхий шүүгчийн сул орон тоонд нэр дэвших хүсэлтэй хуульч нь нэр дэвшиж буй тухайн дагнасан шүүхийн эрх зүйн чиглэлээр өгүүлэл бичиж, нийтлүүлсэн байх ёстой.

Өгүүлэл, нийтлэл нь сонгон шалгаруулалтын бүртгэлийн хугацаа дуусах өдрөөс өмнө хэвлэгдсэн байх ёстойг анхаарна уу!

Бүртгэлийн хугацаа дуусах өдрөөс өмнө хэвлэгдсэн өгүүлэл, нийтлэл ирүүлээгүй, тодорхойлолт ирүүлсэн тохиолдолд баримт бичгийн бүрдүүлбэр хангагдаагүйд тооцож, нэр дэвшигчийн бүртгэлээс хасах үндэслэл болно.

 

ШҮҮХИЙН МЭРГЭШЛИЙН ХОРООНЫ АЖЛЫН АЛБА

2016.06.17

Image

УВС АЙМАГ ДАХЬ СУМ ДУНДЫН ИРГЭНИЙ ХЭРГИЙН АНХАН ШАТНЫ ШҮҮХИЙН ШҮҮХ ХУРАЛДААНЫ ТОВ

\"\"

Image

Шүүхийн ерөнхий зөвлөлийн Мэдээллийн технологийн хэлтсийн дарга Д.Мөнхзориг Олон Улсын Мэдээллийн аюулгүй байдлын форумд оролцож байна

Шүүхийн ерөнхий зөвлөлийн Мэдээллийн технологийн хэлтсийн дарга Д.Мөнхзориг Олон Улсын Мэдээллийн аюулгүй байдлын форумд оролцож байна

     Техник технологи хурдацтай хөгжиж бидний амьдралыг орон зай, цаг хугацааны хамааралгүй, хялбар болгон хувьсал хийж байгаа хэдий ч түүнийг даган сөрөг үр дагварууд улам бүр нэмэгдсээр байгаатай холбоотойгоор Сүлжээний халдлагатай тэмцэх гэсэн уриан дор FIRST буюу Халдлагатай тэмцэх болон аюулгүй байдлын эсрэг багийн 28 дахь форум 2016 оны 6 дугаар сарын 12-17-ны өдрүүдэд БНСУ-н Сөүл хотод болно. Уг форумд Шүүхийн ерөнхий зөвлөлийг төлөөлөн Мэдээллийн технологийн хэлтсийн дарга Д.Мөнхзориг оролцож байна.

 

   1988 онд Internet Worm-c үүдэлтэй асуудлаас АНУ-н Эрчим хүч, дэд бүтцийн яамны дэргэд халдлагын эсрэг баг байгуулагдаж байсан бөгөөд 1990 оноос FIRST /www.first.org/ нэртэй болж дэлхийн нийтийн Мэдээллийн аюулгүй байдлын эсрэг баг болон мэргэжилтнүүдийг нэгтгэсэн байгууллага болсон байна.

\"\"

Монголын сүлжээний халдлагатай тэмцэх үндэсний баг МONCIRT /Mongolian Cyber Incident Response Team/ нь Ази, Номхон далайн АPCERT /Asia Pacific Computer Emergency Response Team/ гишүүн /http://www.apcert.org/about/structure/members.html/ бөгөөд бүс нутгуудыг нэгтгэдэг FIRST байгууллагын гишүүнээр 2016 онд элсэх эрх нь нээгдэж байгаа юм.

 

Энэхүү форумаар:

 

·Янз бүрийг хортой кодуудыг задлан шинжилсэн анализ хийх, илрүүлэх, сэргийлэх,

·Кибер гэмт хэргийн тухай

·Нотлох баримтуудыг яаж цуглуулах, яаж үнэлэх

·Компьютер криминалистик шинжилгээний тухай

·Кибер аюулыг мөрдөх, мөшгих, илрүүлэх

·Улс орнуудын мэдээллийн аюулгүй байдлын эрх зүйн орчин, зөрүүтэй ойлголт

·Phishing буюу дэгээдэх, автоматаар залилах үйлдлүүдээс хамгаалах

·Халдлагын дараах хор хөнөөлийг нь бууруулах асуудал

·Өгөгдөл дамжуулах орчинг хэрхэн хамгаалах

·Хортой кодоос хортой дэд бүтэц үүсч буй асуудал

·Соёлгүй реклам, зар сурталчилгааны сүүдэртэй хар талуудыг бууруулах

·Үндэсний болон байгууллагын түвшинд аюул илрүүлэх, үнэлэх

·Кибер аюулуудыг илрүүлж хариуцлага тооцоход олон улсын улсын хамгаалалтын багууд хэрхэн хамтран ажиллах тухай

·Халдлагуудад хариу үйлдэл үзүүлэх янз бүрийн аргууд

·Мэдээллээ яаж дундаа аюулгүй ашиглах

·Сүүлийн үед шинээр гарч буй төрөл бүрийн халдлагуудын тухай

·Байгууллагын дотоод ажилтнуудаас гарч буй аюулыг бууруулах удирдамж

·Сүлжээний хаалган дээрх зэрлэгүүд

·Токиогийн олипд зориулсан технологийн аюулгүй байдлын бэлтгэл

·Банкны үйлчлүүлэгчдийг эрсдлээс хамгаалах аргууд

·гэх мэт олон төрлийн сургалт, хэлэлцүүлэг явагдана.

  

Энэхүү форумын үеэр хакерийн тэмцээн болон мэдээллийн аюулгүй байдлын програм, техник хамгамж үйлдвэрлэгчдийн үзэсгэлэн болно.

\"\"


Image

УВС АЙМАГ ДАХЬ ШҮҮХИЙН ТАМГЫН ГАЗРААС ЗОХИОН БАЙГУУЛСАН “НЭЭЛТТЭЙ ШҮҮХ” ӨДӨРЛӨГ АМЖИЛТТАЙ БОЛЖ ӨНДӨРЛӨЛӨӨ.

 \"\"

Увс аймаг дахь Шүүхийн тамгын газрын 2016 оны үйл ажиллагааны төлөвлөгөөндтусгагдсаны дагуу 2016 оны 06 дугаар сарын 08-ны өдөр \"Шинэ Улаангом” захын гадна талбайд6-р тойргийн Увс аймаг дахь Тахарын хэсэгтэй хамтран \"Нээлттэй шүүх” өдөрлөг зохион байгууллаа. Уг өдөрлөгөөр Шүүхийн дотоод зохион байгуулалт хариуцсан мэргэжилтэн О.Батдорж, Эвлэрүүлэн зуучлагч Б.Доржсүрэн болон шүүгчийн туслах, шүүх хуралдааны нарийн бичгийн дарга нариргэдэд шүүхийн тухай багц хуулиуд, шүүхийн шинэчлэлийн 10 үр дүн, шүүхэд хэрхэн нэхэмжлэл гаргах талаар болон шүүхийн үйл ажиллагааны талаар хүссэн мэдээлэл, зөвлөгөөг нь өгч, иргэдийг гарын авлага тараах материалаар хангаж ажиллаа.

Нийт: 1546 мэдээ байна.

Хэрэгцээт холбоос