“Увс Нуур”-ын жуулчны баазад хоёр өдрийн аялалыг амжилттай зохион байгууллаа.
![\"\"](\"http://www.4shared.com/download/uRxP15Xfba/aylal_2015-1.JPG\")
Увс аймаг дахь Сум дундын Эрүүгийн хэргийн анхан шатны шүүх, Сум дундын Иргэний хэргийн анхан шатны шүүх, Захиргааны хэргийн анхан шатны шүүх болон Увс аймаг дахь шүүхийн тамгын газрын 2015 оны төлөвлөгөөнд тусгагдсаны дагуу шүүгч, ажилтнуудын чөлөөт цагийг зөв боловсон өнгөрүүлэх, хамт олонч байдлыг бий болгох зорилгоор Увс аймгийн үзэсгэлэнт газрын нэг болох Увс нуурын хөвөөнд болон \"Увс Нуур”-ын жуулчны баазад хоёр өдрийн аялалыг амжилттай зохион байгууллаа.
- 2015-10-13 16:20:01
- Дэлгэрэнгүй
Увс аймаг дахь Сум дундын Эрүүгийн хэргийн анхан шатны шүүхийн шүүгч Т.Байгонакыг төрийн дээд шагнал “Алтан гадас” одонгоор шагналаа.
![\"\"](\"http://www.4shared.com/download/OvUP25dgce/DSC_0093.JPG\")
Шүүхийн байгууллагад үр бүтээлтэй, олон жил, идэвхи зүтгэл гарган ажиллаж, оруулсан хувь нэмрийг нь төр засгаас үнэлж Монгол Улсын Ерөнхийлөгчийн 2015 оны 7 дугаар сарын 06-ны өдрийн 112 дугаар зарлигаар Увс аймаг дахь Сум дундын Эрүүгийн хэргийн анхан шатны шүүхийн шүүгч Т.Байгонакыг төрийн дээд шагнал \"Алтан гадас” одонгоор, Монгол Улсын Хууль Зүйн Сайдын 2015 оны 7 дугаар сарын 06-ны өдрийн 1755 дугаар тушаалаар Увс аймаг дахь Сум дундын Эрүүгийн хэргийн анхан шатны шүүхийн шүүгчийн туслах Б.Болормаа, Увс аймаг дахь Захиргааны хэргийн анхан шатны шүүхийн шүүгчийн туслах Ц.Энхзаяа нарыг Хууль зүйн яамны \"Хүндэт жуух бичиг”-ээр тус тус шагнасныг Увс аймаг дахь Шүүхийн тамгын газрын дарга Л.Баттулга, Увс аймаг дахь Сум дундын Эрүүгийн хэргийн анхан шатны шүүхийн Ерөнхий шүүгч Л.Алтан, Увс аймаг дахь Захиргааны хэргийн анхан шатны шүүхийн Ерөнхий шүүгч Т.Оюунгэрэл нар гардуулан өгч, нийт шүүгч, ажилчдын өмнөөс баяр хүргэж,цаашдын ажил үйлсэд нь амжилт хүслээ.
- 2015-10-09 09:48:00
- Дэлгэрэнгүй
Ерөнхий боловсролын сургуулийн суралцагчдад “Насанд хүрээгүй хүүхдийг гэмт хэргээс урьдчилан сэргийлэхэд анхаарах асуудлууд”, \"Тамхины хяналтын тухай хууль\" сэдвүүдээр сургалт зохион явууллаа.
![\"\"](\"http://www.4shared.com/download/hZcYgbm6ba/12081616_411969745663559_13233.jpg\")
Увс аймаг дахь Шүүхийн тамгын газрын 2015 оны ажлын төлөвлөгөө, Шүүхийн ерөнхий зөвлөлөөс баталсан \"Шүүх ба олон нийт\"хөтөлбөрийн хүрээнд тус шүүхүүдийн шүүгч, захиргааны ажилтнууд 5 багт хуваагдан Увс аймгийн Улаангом суманд үйл ажиллагаа явуулдаг \"Улаангом\" политехник коллежийн оюутнууд болон Ерөнхий боловсролын сургуулийнсуралцагчдад \"Насанд хүрээгүй хүүхдийг гэмт хэргээс урьдчилан сэргийлэхэд анхаарах асуудлууд”, \"Тамхины хяналтын тухай хууль\" сэдвүүдээр сургалт зохион явуулж байгаа билээ. Энэ удаа Цогцолбор 1-р сургуулийнсуралцагчид болон Ахлах 4-р сургуулийн суралцагчид хамрагдлаа. Сургалтыг оюутан, суралцагчидтай хамтран ярилцах хэлбэрээр зохион байгуулсан ба 2012-2014 онуудад насанд хүрээгүй хүүхдийн үйлдсэн гэмт хэргийн статистик мэдээллийг танилцуулж, цаашид гэмт хэргээс хэрхэн урьдчилан сэргийлэх арга замуудыг хамтдаа тодорхойлж, тамхины хор уршиг, тамхины хяналтын тухай хуульд заасан хариуцлагын талаарх мэдлэгээ улам бататгасан ач холбогдолтой байлаа. Мөн сургалтын үеэр \"Хэн олон хууль мэдэх вэ” сэдэвт тэмцээн болон хөгжөөнт тоглоомууд зохион байгуулсан нь сургалтыг улам сонирхолтой болгосон үйл ажиллагаа боллоо.
- 2015-10-07 10:40:00
- Дэлгэрэнгүй
![\"\"](\"https://www.mediafire.com/convkey/1aa1/6y9t279tydde7416g.jpg\")
![\"\"](\"https://www.mediafire.com/convkey/0988/65k00bkdkk6d3h66g.jpg\")