![\"\"](\"https://www.mediafire.com/convkey/a823/c95onlu6vwx52wj6g.jpg\")
“Төрийн жинхэнэ албан хаагчийн болон байгууллагын гүйцэтгэлийн төлөвлөгөө боловсруулах аргачлал”, “Төрийн албан хаагчийн ажлын гүйцэтгэл, үр дүн, мэргэшлийн түвшинг үнэлэх, арга зүй” сэдвээр сургалт зохион байгууллаа.
![\"\"](\"https://www.mediafire.com/convkey/8dde/mk85q342h217rcg6g.jpg\")
2020 оны 11 дүгээр сарын 06-ны өдөр тус шүүхийн үйлчилгээний хэлтсийн дарга О.Батдорж “Төрийн жинхэнэ албан хаагчийн болон байгууллагын гүйцэтгэлийн төлөвлөгөө боловсруулах аргачлал”, “Төрийн албан хаагчийн ажлын гүйцэтгэл, үр дүн, мэргэшлийн түвшинг үнэлэх, арга зүй” сэдвээр, Увс аймгийн Эрүү, Иргэний хэргийн давж заалдах шатны шүүхийн шүүгчийн туслах Ц.Баярмагнай, Увс аймаг дахь Иргэний хэргийн анхан шатны шүүхийн шүүгчийн туслах Б.Сарантуяа нар “Эрүүгийн хэргийн хөдөлгөөний нийтлэг аргачлал” сэдвээр тус тус захиргааны ажилтнуудад сургалт орж, эрүү, иргэн, захиргааны хэргийн хөдөлгөөний аргачлал, төрийн албан хаагчийн гүйцэтгэлийн төлөвлөгөөг үнэлэх журам зэрэгт гарсан өөрчлөлт шинэчлэлийг харилцан ярилцаж, мэдлэг туршлагаа нэмэгдүүлсэн үр дүнтэй боллоо. Мөн сургалтын дараагаар шүүхийн захиргааны ажилтнууд Шүүхийн тухай хуулийн төслийн талаар хэлэлцүүлэг хийж, тодорхой асуудлуудыг хөндөж ярилцан, холбогдох саналаа өгөхөөр боловсруулав.
- 2020-11-09 09:46:23
- Дэлгэрэнгүй
ТӨРИЙН ЖИНХЭНЭ АЛБАН ХААГЧИЙН ТАНГАРАГ ӨРГӨХ ЁСЛОЛ БОЛЛОО
![\"\"](\"https://www.mediafire.com/convkey/a8ab/u1wyeywim2onqt26g.jpg\")
Төрийн жинхэнэ албан хаагчийн тангараг өргөх ёслолын ажиллагаа Шүүхийн ерөнхий зөвлөлийн байранд боллоо. Энэхүү ёслолд Шүүхийн ерөнхий зөвлөлийн дарга Э.Батбаяр, гишүүн Л.Атарцэцэг, Д.Цогтсайхан, Гүйцэтгэх нарийн бичгийн дарга О.Амгаланбаатар, Төрийн албаны зөвлөлийн Шүүхийн ерөнхий зөвлөлийн дэргэдэх салбар зөвлөлийн дарга Ш.Отгонцэцэг, гишүүн Б.Биндэрьяа, Н.Ганбаатар болон ажлын албаны нэгжийн удирдлагууд, Нийслэл дэх анхан болон давж заалдах шатны шүүхийн захиргааны ажилтнууд оролцсон бөгөөд орон нутгийн шүүхүүдтэй онлайнаар холбогдсон бөгөөд Увс аймаг дахь шүүхийн тамгын газраас Б.Сарантуяа, Н.Удвал, Т.Жаргалсайхан нарын шүүхийн захиргааны ажилтнууд тус тус онлайнаар холбогдож, төрийн жинхэнэ албан хаагчийн тангараг өргөлөө.
- 2020-11-06 11:00:55
- Дэлгэрэнгүй
“ШҮҮГЧИЙН БИЕ ХАМГААЛАХ ТУСГАЙ ХЭРЭГСЭЛ ХЭРЭГЛЭХ, ХАДГАЛАХ ЗААВАР” СЭДВЭЭР СУРГАЛТ ЗОХИОН БАЙГУУЛЛАА.
![\"\"](\"https://www.mediafire.com/convkey/2fc8/aw3hva7d9zng6306g.jpg\")
Тус шүүхийн тамгын газрын 2020 оны гүйцэтгэлийн болон тус аймаг дахь Цагдаагийн газартай хамтарч ажиллах төлөвлөгөөнд тусгагдсаны дагуу Шүүхийн ерөнхий зөвлөлийн 2014 оны 11 дүгээр тогтоолоор баталсан “Шүүгч бие хамгаалах тусгай хэрэгсэл хэрэглэх журам”, “Шүүгчийн бие хамгаалах тусгай хэрэгсэл хэрэглэх, хадгалах заавар” сэдвээр Увс аймаг дахь Цагдаагийн газрын нийтийн хэв журмыг хамгаалах тасгийн ахлах байцаагч цагдаагийн хошууч Д.Даваасамбуу анхан болон давж заалдах шатны шүүхийн шүүгч нарт 2020 оны 11 дүгээр сарын 3-ны өдөр сургалт зохион байгууллаа. Уг сургалтаар шүүгч нар гэнэтийн халдлагын үед өөрт байгаа тусгай хэрэгсэл болох нулимс асгаруулагч хийн шүршүүр, цахилгаан бороохойг хэрхэн яаж хэрэглэх, ямар тохиолдолд тусгай хэрэгсэл хэрэглэхгүй байх, тусгай хэрэгслийг хэрхэн яаж аюулгүй байдлыг ханган хадгалах талаар зохион байгууллаа. Сургалтын үеэр шүүгч бүрд бие хамгаалах тусгай хэрэгсэл цахилгаан бороохойг хүлээлгэн өглөө.
- 2020-11-03 15:49:50
- Дэлгэрэнгүй
УВС АЙМАГ ДАХЬ ЗАХИРГААНЫ ХЭРГИЙН АНХАН ШАТНЫ ШҮҮХИЙН ШҮҮХ ХУРАЛДААНЫ ТОВ
![\"\"](\"https://www.mediafire.com/convkey/8aed/xqakikwaa2i9gxy6g.jpg\")
- 2020-11-02 15:27:26
- Дэлгэрэнгүй
![\"\"](\"https://www.mediafire.com/convkey/bc9d/cgcsmcf7hzxngbi6g.jpg\")