ЭВЛЭРҮҮЛЭН ЗУУЧЛАГЧДЫН СУРГАЛТ ЭХЭЛЛЭЭ

Шүүх дэх эвлэрүүлэн зуучлагчдад зориулсан сургалт өнөөдөр Шүүхийн ерөнхий зөвлөлийн байранд эхэллээ. Сургалтыг Эвлэрүүлэн зуучлагчдын зөвлөлийн дарга, Монгол Улсын гавьяат хуульч Д.Тунгалаг нээж, үг хэлэв. Тэрээр хэлсэн үгэндээ сургалтад оролцогчдын 60 гаруй хувь нь өмнө сургалтад хамрагдаж байгаагүй шинэ хүмүүс болохыг дуулгаад Японы эрдэмтэн судлаачдын хичээлийг сургагч багш нар баяжуулан зааж, онол, практик хосолсон цогц мэдлэг олгоход чиглэгдэж байгааг онцоллоо.

• 2022-02-17 16:36:08
• Дэлгэрэнгүй

“2021 оны Увс аймаг дахь Цагдаагийн газрын үйл ажиллагааны тайлан”-г танилцууллаа.

2022 оны Увс аймаг дахь Цагдаагийн газрын Мөрдөн байцаах тасгийн ахлах мөрдөгч, цагдаагийн ахмад З.Батзориг “2021 оны Увс аймаг дахь Цагдаагийн газрын үйл ажиллагааны тайлан”-г танилцуулж, шүүгч, шүүхийн захиргааны ажилчдаас тус байгууллагатай цаашид хэрхэн хамтран ажиллах, Шүүх, шүүгчийн аюулгүй байдлыг хангахад анхаарах асуудал, цагдаагийн газрын болон цагдаагийн алба хаагчдын үйл ажиллагаатай холбоотой асуудлыг хэрхэн шийдвэрлэж ажиллах талаар санал хүсэлтээ солилцож ярилцлаа.

• 2022-02-09 16:40:37
• Дэлгэрэнгүй

“ЭВЛЭРҮҮЛЭН ЗУУЧЛАЛЫН ТУХАЙ ХУУЛИЙН ШИНЭЧЛЭЛ“ СЭДЭВТ ХЭЛЭЛЦҮҮЛЭГ БОЛНО

Шүүхийн ерөнхий зөвлөл, ЖАЙКА-ийн Монгол дахь Төлөөлөгчийн газартай хамтран “Эвлэрүүлэн зуучлалын тухай хуулийн шинэчлэл“ сэдэвт хэлэлцүүлгийг 2022 оны 02 дугаар сарын 16-ны өдөр зохион байгуулах гэж байна.Энэхүү хэлэлцүүлэгт Шүүхийн ерөнхий зөвлөл, Эвлэрүүлэн зуучлагчдын зөвлөл,  Шүүхийн сахилгын хороо, ЖАЙКА-ийн Монгол дахь Төлөөлөгчийн газар, Хууль зүй, дотоод хэргийн яам,  Шүүхийн шийдвэр гүйцэтгэх ерөнхий газар, Дүүргийн Иргэний хэргийн анхан шатны шүүх, Нийслэлийн шүүхийн шийдвэр гүйцэтгэх газар, Шүүх дэх орон тооны эвлэрүүлэн зуучлагчид, Монголын хуульчдын холбоо, Монголын өмгөөлөгчдийн холбоо, Монголын нотариатчидын танхимын төлөөлөл, багш, эрдэмтэн, судлаачид оролцох юм.     

ШҮҮХИЙН ЗАХИРГАА, УДИРДЛАГЫН ГАЗАР

• 2022-02-09 09:56:03
• Дэлгэрэнгүй

ХУУЛЬЧИЙН ТАНГАРАГ ӨРГӨЛӨӨ.

Монголын хуульчдын холбооноос 2021 оны 9 дүгээр сарын 08-10-ны өдрүүдэд зохион байгуулсан хуульчийн сонгон шалгаруулалтад Увс аймаг дахь сум дундын эрүүгийн хэргийн анхан шатны шүүхийн шүүгчийн туслах Д.Нямжав тэнцэж, Хуульчдын холбоонд гишүүнээр элссэн. Монголын Хуульчдын холбооны Увс аймаг дахь салбараас шинэ хуульчид тангараг өргүүлэх ёслолын ажиллагааг 2022 оны 01 дүгээр сарын 21-ний өдөр тус шүүхийн шүүх хуралдааны танхимд зохион байгуулсан бөгөөд хуульчийн тангараг өргөх ажиллагаанд шүүгч, шүүхийн захиргааны ажилтнууд оролцож энгэрийн тэмдэг, хуульчийн мэргэжлийн үйл ажиллагаа эрхлэх зөвшөөрлийн гэрчилгээг гардуулан өглөө.

• 2022-01-21 16:15:02
• Дэлгэрэнгүй

ШҮҮХИЙН ЗАХИРГААНЫ БАЙГУУЛЛАГЫН УДИРДАХ АЖИЛТНЫ ЗӨВЛӨГӨӨН ӨНДӨРЛӨЛӨӨ

Монгол Улсын шүүхийн захиргааны байгууллагын удирдах ажилтны зөвлөгөөн энэ сарын 18-19-ний өдөр Шүүхийн ерөнхий зөвлөлийн байранд боллоо. Шүүхийн ерөнхий зөвлөлөөс зохион байгуулсан тус зөвлөгөөнд анхан болон давж заалдах шатны шүүхийн 41 тамгын газрын дарга оролцож, шүүхийн тамгын газрын 2021 онд хийсэн ажлаа тайлагнаж, тулгамдсан асуудлын талаар танилцууллаа. Тайлангийн хурлыг Шүүхийн ерөнхий зөвлөлийн Гүйцэтгэх нарийн бичгийн дарга Р.Батрагчаа удирдан явуулж, Шүүхийн ерөнхий зөвлөлийн гишүүн Н.Баасанжав, Э.Зоригтбаатар, Н.Мөнгөнцэцэг, А.Насандэлгэр, Р.Онончимэг, Б.Ундрах, Л.Энхбилэг нар байлцаж, шүүхийн тамгын газрын дарга нараас тайлантай холбоотой асуулт асууж, тодруулга авснаар зөвлөгөөний эхний өдөр өндөрлөсөн юм.

• 2022-01-19 18:13:57
• Дэлгэрэнгүй

ШҮҮХИЙН ЗАХИРГААНЫ БАЙГУУЛЛАГЫН УДИРДАХ АЖИЛТНЫ СУРГАЛТ, ЗӨВЛӨГӨӨН ЭХЭЛЛЭЭ

Монгол Улсын шүүхийн захиргааны байгууллагын удирдах ажилтны сургалт зөвлөгөөн өнөөдөр Улаанбаатар хотноо эхэллээ. Шүүхийн ерөнхий зөвлөлөөс зохион байгуулж буй энэхүү сургалт, зөвлөгөөнд анхан болон давж заалдах шатны шүүхийн 41 тамгын газрын дарга оролцож байгаа бөгөөд энэ сарын 17-19-ний өдрүүдэд үргэлжилнэ. Сургалт, зөвлөгөөний нээлтэд Шүүхийн ерөнхий зөвлөлийн дарга Д.Зүмбэрэллхам, гишүүн Н.Баасанжав, Э.Зоригтбаатар, Н.Мөнгөнцэцэг, А.Насандэлгэр, Р.Онончимэг, Б.Ундрах, Л.Энхбилэг, Гүйцэтгэх нарийн бичгийн дарга Р.Батрагчаа нар оролцлоо. Шүүхийн ерөнхий зөвлөлийн дарга, хууль зүйн ухааны доктор Д.Зүмбэрэллхам сургалтыг нээж хэлсэн үгэндээ “Монгол Улсын Үндсэн хуульд оруулсан нэмэлт өөрчлөлтөд нийцүүлэн, Улсын их хурлаас 2021 оны 1 дүгээр сарын 15-ны өдөр баталсан Монгол Улсын Шүүхийн тухай хуулийн дагуу шинээр бүрэлдсэн Шүүхийн ерөнхий зөвлөл бүрэн бүрэлдэхүүнээрээ ажиллаж эхлээд сар гаруй хугацаа өнгөрчээ. Энэ хугацаанд бид нэлээн эрчтэй ажиллалаа. Шүүхийн ерөнхий зөвлөлд хуулиар олгогдсон үндсэн таван чиг үүргийн хүрээнд таван хороо байгуулж, гишүүдэд хуваарилан ажиллаж байна. Шүүхийн ерөнхий зөвлөлөөс зохион байгуулж байгаа энэ удаагийн сургалт, зөвлөгөөн нэлээд онцлогтой. Шүүхийн тухай хуулийг хэрэгжүүлэх, хуулийг дагаж гарсан дүрэм, журмыг хэрэгжүүлэхэд 2022 он гарааны жил байх болно. Үүнд Шүүхийн захиргааны 41 тамгын газар манлайлал үзүүлж ажиллах ёстой. Үндсэндээ Шүүхийн тухай хуулийг хэрэгжүүлэх эцсийн хувь заяа бол шүүхийн захиргааны удирдах ажилтнууд Та бүхний гарт байгааг хэлэхийг хүсэж байна. Шүүхийн ерөнхий зөвлөлийн гишүүд, ажлын алба, шүүхийн тамгын газрын дарга, шүүхийн захиргааны ажилтнууд бүгд сэтгэлгээний шинэтгэл хийж, нэг зорилгод нэгдэж байж шүүхийн шинэтгэлийг амжилттай хийж чадна. Энэхүү шинэтгэлийг хийхэд сургалт маш их хэрэгтэй. Тийм учраас Шүүхийн ерөнхий зөвлөлөөс энэхүү сургалтад их ач холбогдол өгч байна” гээд Шүүхийн ерөнхий зөвлөлийн нэрийн өмнөөс сургалтын үйл ажиллагаанд амжилт хүссэн юм.

       Сургалтыг Монгол Улсын төрийн шагналт, Шинжлэх ухааны гавьяат зүтгэлтэн, Академич, профессор, Япон Улсын Нагояагийн Их сургуулийн хүндэт доктор, С.Нарангэрэл “Хүмүүн байхын учир, ёс суртахуунд нь оршвой” лекцээр эхэллээ.

       Дараа нь Монгол Улсын Төрийн албаны зөвлөлийн Маргаан хянан шалгах газрын дарга Ч.Бат-Эрдэнэ “Төрийн албаны тухай хуулийн /Шинэчилсэн найруулга/ хэрэгжилт, анхаарах асуудал, МУИС-ийн практик сургалтын төвийн эрхлэгч, доктор (Ph.D), дэд профессор С.Болормаа “Хөдөлмөрийн тухай хууль /Шинэчилсэн найруулга/-ийн танилцуулга”, Монгол Улсын Их сургуулийн Бизнесийн сургуулийн багш Э.Жавхлан “Төрийн худалдан авах ажиллагаа”, Нийслэлийн Иргэний хэргийн давж заалдах шатны шүүхийн Ерөнхий шүүгч, Хууль зүйн ухааны доктор (LL.D) Ж.Оюунтунгалаг “Хэрэг, нэхэмжлэл, өргөдөл, гомдол, хүсэлт хүлээн авах, хуваарилах болон хэрэг маргааныг хянан шийдвэрлэх шүүгч, шүүх бүрэлдэхүүнийг сугалаагаар томилох нийтлэг журмын танилцуулга, шүүхийн захиргааны анхаарах асуудал” сэдвээр тус тус хичээл заалаа.

Шүүхийн хэвлэл мэдээллийн хэлтэс

• 2022-01-18 12:17:18
• Дэлгэрэнгүй